!!!… Eid Mubarak …!!!

Eid Mubarak Bayan | Eid Mubarak Images | Wishes 2022

قَدۡ  اَفۡلَحَ  مَنۡ  تَزَکّٰی ﴿ۙ۱۴﴾ وَ ذَکَرَ اسۡمَ رَبِّہٖ فَصَلّٰی ﴿ؕ۱۵﴾

Tarjama Kanzul Imaan Sharif:- Beshaq Muraad Ko Pahucha Jo Suthra Hua Aur Apne Rab Ka Naam Le Kar Namaz Padhi…!!!

Ay Imaan Waalo ! Aaj Eid Mubarak Ka Din Hai Allah Ta’ala Apne Fazl-O-Karam Aur Apne Pyaare Habib (ﷺ)  Ke Sadqe Wa Tufail Ramzan Sharif Jaisa Rahmat, Barkat, Aur Magfirat Wala Mahina Ummat-e-Mustafa (ﷺ) Ko Ata Farmaya… Jis Musalmaan Ne Apne Rab Taa’ala Ke Liye Ramzan Sharif Ke Roze Rakhe, Apne AAQA (ﷺ) Ki Sunnat Jaan Ka Unki Raza Haasil Karne Ke Liye Apni Nind Ko Qur’baan Kar Ke Sehri Kiya Aur Roza Rakha,

Aur Namaz e Fajr Jama’at Ke Saath Ada Ki Sehri Wa Iftaar Ke Waqt Dua Me Mashgool Raha Fir Iftaar Kiya Aur Maghrib Ki Namaz Jama’at Ke Saath Ada Ki Aur Ishaa Aur Tarawih Ki Namaz Namaz Jama’at Ke Saath Ada Karta Raha To Jin Khush Nasib Musalmaano Ne Adab Wa Ehteraam Ke Saath Ramzan Sharif Ka Mahina Muqammal Kiy To Allah Ta’ala Unse Raazi Ho Gaya Aur Eid-e-Saeed Ka In’aam Un Ko Ata Farmaya…!!!

Eid Mubarak

Is Liye Hamare Sarkar Ummat Ke Ghamkhwaar Mustafa Kareem (ﷺ) Ne Eid Mubarak Ki Raat Ko Lailatul Jaiza Farmaya Hai Yaani Eid Mubarak Ki Raat In’aam-O-Ikraam Paane Ki Raat Hai Aur Eid Mubarak Ka Din Magfirat Aur Bakhshish Paane Ka Din Hai…!!!

Hazrat Abdullah Bin Abbas Radiallahu Ta’la Anhu Se Ek Taweel Hadis Riwayat Hai Jis Ka Khulaasa Yah Hai Ki Hamare Huzoor Sarapa Noor (ﷺ) Ne Farmaya Ki Allah Ta’ala Aaj Yaani Eid Mubarak Ke Din Aam Ailaan Farmata Hai Ay Mere Bando ! Jo Sawal Karna Hai Karo Main Usko Pura Karunga Meri Izzat-O-Jalaal Ki Qasam Aaj Yaani Eid Mubarak Ke Din Apni Aakhirat Ke Baare Me Jo Mujhse Sawal Karoge Main Pura Karunga Aur Jo Kuch Duniya Ki Bhalai Maangoge Main Tumko Ata Karunga…

Eid Mubarak

Meri Izzat Ke Qasam Jab Tak Tum Mere Huqm Par Amal Karte Rahoge Main Tumhari Khatao Aur Lagzisho Par Parda Daalta Rahunga…Meri Izzat-O-Jalaal Ki Qasam Main Tumhe Zaalim o Ke Saath Ruswa Na Karunga Aur Tum Is Haal Me Namaz-e-Eid Se Faarig Ho Kar  Apne Gharo Ki Taraf Lautoge Ki Magfirat Paa Chuke Hoge Aur Tumne Allah Ko Razi Kiya Aur Allah Tumse Raazi Ho Gaya…!!!

Kabe Ke Badrudduja Lyrics

Eid Mubarak Ka Din Kis Liye Hai:- Is Hadis Sharif Se Saaf Maaloom Ho Gaya Ki Allah Ta’ala Jis Musalmaan Bande Se Raazi Ho Gaya Us Khush Nasib Musalmaan Ke Liye Aaj Ka Din Eid Mubarak Ka Din Hai..Agar Hamne Apne Zaahir Ko Saaf Kar Liya Aur Baatin Ganda Hai Agar Ham Ne Gusl Karke Jism Ko Paak Kar Liya Hai Aur Qalb Me Bugz O Hasad, Gibat O Tohmat, Bhai Se Bhai Ki Nafrat, Maa Baap Ki Na-Farmani Ki Nuhusat, Namaz Wa Roza, Haj Wa Zakaat Ada Na Karne Ki Ma’siyat, Haram Rozi Haasil Karna

Eid Mubarak

Aur Jhut Bolne Ki La’nat, Taqabbur Wa Ghamand Jaisi Shaitani Aadat Maujud Hai To Yaqinan Hamari Rooh Bhi Gandi Hai Aur Hamara Dil Bhi Napak Hai To Socho Aur Gaur Karo Ki Chamakdaar Kapde Pahnne Se Kya Haasil Hoga Jab Tak Hamara Dil Paak Aur Saaf Na Ho Jaaye…!!!

Allah Aur Uske Rasool (ﷺ) Raazi Haiñ To Har Din Eid Ka Din Hai…!!!

Sar Chasme Wilaayat Kaane Khair-O-Barkat Amirul Mu’mineen Hazrat Sarkar Maula Ali Mushkil Kusha Sher-e-Khuda Radiallahu Ta’la Anhu Eid Mubarak Ke Din Jau Ki Bani Hui Roti Tanaul Farma Rahe The, Ek Shakhs Aaya Aur Arz Kiya Sarkar Aaj To Eid Mubarak Ka Din Aur Aaj Ke Din Aap Jau Ki Ki Roti Tanaul Farma Rahe Haiñ.?

To Mere AAQA Maula Ali Mushkil Kusha Sher-e-Khuda Radiallahu Ta’la Anhu Ne Jawab Inayat Farmayi Ki Aaj Eid Mubarak Ka Din Us Banda e Momin Ke Liye Hai Jis Ka Roza Allah Ta’ala Ki Baargaah Me Qubool Ho Gaya Ho Aur Us Shakhs Ke Gunah Bakhsh Diya Gaya Ho..Aaj Ka Din Hamare Liye Eid Mubarak Ka Din Hai Aur Balki Har Wo Din Hamare Liye Eid Mubarak Ka Din Hai Jis Din Ham Koi Kaam Gunaho Wala Na Kare…!!!

Eid Mubarak Images

Ay Imaan Waalo ! Hamare AAQA Maula Ali Mushkil Kusha Sher-e-Khuda Radiallahu Ta’la Anhu Ne Apne Gulamo Ko Bata Diya Ki Jis Din Koi Gunaah Ka Kaam Ho Balki Wah Kaam Ho Jis Ke Zariye Allah Ta’ala Apne Bande Se Raazi Aur Khush Ho Jaaye To Wo Din Bandaye Momin Ke Liye Eid Mubarak Ka Din Hai…!!!

Hazrat Umar Farooq e Aazam (Radiallahu Ta’la Anhu) Ki Eid…!!!

Eid Mubarak Ke Din Log Darbar e Adalat Me Haazir Hue To Dekha Ki Aminul Mu’mineen Hazrat Sarkar Umar Faarooq e Aazam Radiallahu Ta’la Anhu Ke Ghar Mubarak Ka Darwaza Band Hai Aur Aap Zaar o Qataar Ro Rahe Haiñ Logo Ne Hairaan Wa Pareshan Ho Kar Arz Kiya Yaa Khalifatul Mu’mineen ! Aaj To Eid Mubarak Ka Din Hai Aaj To Khushi Ka Din Hai Ye Eid Ke Din Rona Kaisa… Allah Allah… Aapne Aañsu e Mubarak Ko Saaf Karte Hue Farmaya…

Eid Mubarak Images

Ay Logo Ye Eid Khushi Ka Din Bhi Hai Aur Gham Ka Din Bhi Hai Aaj Jin Logo Ke Namaz Roze Qubool Ho Gaye Unke Liye Khushi Ka Din Hai Aur Aaj Jin Logo Ke Namaz Roze Ko Radd Kar Ke Uske Muh Par Maar Diya Gaya Unke Liye Gham Ka Din Hai Aur Main Isliye Ro Raha Huñ Ki….

 “Mujhe Maaloom Nahi Ki Aaj Ke Din Main Maqbool Hua Ya Radd Kar Diya Gaya…” 

…Allah Allah…

Ay Imaan Waalo ! Khoob Gaur Karo Aur Socho Ki Hazrat Umar Farooq e Aazam Radiallahu Ta’la Anhu Un Das Sahabi e Rasool  (ﷺ) Me Se Haiñ Jinko Mere AAQA (ﷺ) Ne Duniya Me Hi Jannat Ki Khush Khabri Suna Di…Jinki Mubarak Jama’at Ko Ashra-e-Mubashshra Kaha Jata Hai…!!!

WO DASO JINKO JANNAT KA MUZDA MILA,,

US MUBARAK JAMA’AT PE LAAKHOÑ SALAAM….!!!

(✍🏻 Sayyadi Sarkar AalaHazrat)

 (Radiallahu Ta’la Anhu)

Bila Shaq-O-Shubah :- Hazrat Umar Farooq e Aazam Radiallahu Ta’la Anhu To Maqbool e Baargaah e Risaalat Haiñ…Magar AAQA (ﷺ) Ke Ghulam O Ko Dars-e-Adab O Ehteraam Ka Jaam Pilaya Hai…!!!

Eid Mubarak Images

Ki Jab Tak Allah Aur Uske Rasool (ﷺ) Raazi Na Ho Tum Kitne Hi Achhe Kapde Pahan Lo Kitna Hi Apne Zaahir Ko Paak Kar Lo Magar Wo Raazi Nahi To Sab Bekaar Hai…!!!

Eid Mubarak Images